ولسة بخير يامصر
تلف العالم شرق وغرب
تشوف عالم .........تسرق وتخطف وتهرب
ويخلص المسروق
ويتوب السارق
الا فيكى يامصر
يسرقوا يسرقوا
ينهبوا يخطفوا يهربوا
ولسة الخير ماليكى يامصر
تلف العالم شرق وغرب
تشوف عالم ........تتعب وتزهق وتمل
الا فيكى يامصر
سماهم الله خير أجناد الأرض
وهو أعلم بكل الخلق
فيكى الغنى وفيكى الفقير
فيكى بورتو وأبو خروف
والكل عايشين فيكى يامصر
شيخ الغفر وشيخ المنصر ...........جيران
بس فيكى يامصر
يجينا الغالى ودود وحنون
وبعد شوية يقلب فرعون
ويورينا فى الغم فنون
الله عليكى يامصر
يحكيلك الواحد هموم وتلال
تشيله وتحطه تهد جبال
وتقوله أزاىيقولك
ياما دقت على الراس طبول
بس فيكى يامصر
تقول كفاية ........................تهون
تقول حرام........................تكون
تحت الأرض مدفون
تقول الله عليك .................تمون
أطاول علينا الشرق والغرب
وقاعدين نقول احنا اللى كنا وكنا
وأحنا فى الحقيقة هنا
حتى على الخنازير
........بقلم ....نهلة فراج...
ليست هناك تعليقات:
إرسال تعليق